20/04/2024
Futboll Lajme Sport

Superliga e Kosovës “zjarr”, Ilir Daja gati t’i “dorëzojë” titullin Batatinës

    Ballkani ka barazuar 1 me 1 ndaj Gjilanit, në ndeshjen e vlefshme për javën e 22-të të Superligës së Kosovës. Pas këtij barazimi, Ilir Daja me të tijët sheh të rrezikuar vendin e parë. Kjo pasi në rast fitore te ndeshja e prapambetur, Llapi do ta kalonte Ballkanin në renditje.

    Goli i Kuc nuk i mjaftoi Ballkanit në pjesën e parë, pasi po në të parën Gjilani barazoi me penallti përmes Heric. Ky barazim dhemb shumë për Ilir Dajën, pasi para disa ndeshjeve kishte diferencë me rivalët dhe nuk dukej se diskutonte vendin e parë.

    Tahir Batatina me Llapin, por dhe Drita janë gati për të përfituar. Titulli kampion është në diskutim dhe të dyja skuadrat gëzojnë formë më të mirë se suharekasit.