20/07/2024
Kosovë Lajme

“Spiunazh”, arrestohet babai i gazetarit që përgatiti fushatën e Gashit, dyshohet si informator i BIA-s Serbe!

    Zekirja Shabani, pronar i portalit “Fakte plus” më 28 maj, kishte uruar Afrim Gashin për emrimin e tij në krye të detyrës së krye-parlamentarit.

    Në urimin e tij, u vu në dukje se nga dita e emrimit, me Kuvendin e RMV-së do të udhëheqë siç Shabani e ka shkruar një shqiptar nga Kosova.

    Por nuk ka shkuar gjatë dhe një ngjarje ka “tronditur” shqiptarët në Kosovë. Sipas portalit Periskopi, Policia e Kosovës në një aksion së bashku me Agjencinë Kosovare të Intelegjencës ka arrestuar, Bedri Shabanin babai i gazetarit Zekirja Shabani.

    Sipas Periskopit, Bedri Shabani dhe një person tjetër janë arrestuar nën dyshimin për spiunazh me Agjencinë e Inteligjencës Serbe (BIA).

    Zekirja Shabani ka qenë mjaft aktiv në fushatën elekorale të Maqedonisë së Veriut, në mbështetje të VLEN’it.

    Ai ka përgatitur fushatën zgjedhore për Afrim Gashin, i cili u zgjodh kryetar i Kuvendit të Maqedonisë së Veriut.

    Lidhur me arrestimin e Bedri Shabanit ka reaguar edhe Dogana e Kosovës përmes një postimi në Facebook, ka bërë të ditur se ai është larguar nga pozita e tij në Doganë në vitin 2004.

    Sipas njoftimit, shkarkimi i Shabanit erdhi për shkak të shkeljeve të Kodit të Mirësjelljes së Doganës së Kosovës, lidhur me komunikimet e paautorizuara me mjetet e informimit masiv.