22/05/2024
Maqedoni

Kryetari i BDI Ali Ahmeti votoi në Zajaz

    Kryetari i BDI-së Ali Ahmeti sot ka votuar në fshatin Zajaz të komunës së Kërçovës.

     

    Ai ka inkurajuar qytetarët që të dalin sa më shumë në votime dhe të shprehin bindjen e tyre për të realizuar të drejtën e tyre demokratike.

     

    Postimi i plotë në Facebook:

     

    Sot në Zajazin tim shfrytëzova të drejtën demokratike të votës për të lënë gjurmi kontributi në trasimin e së ardhmes europiane.

     

    Me votën tonë kemi shansin historik të vulosim njëherë e përgjithmonë orientimin tonë euro-amerikan, t’i themi JO Rusisë, PO Europës!

     

    Andaj, ju ftoj të gjithëve që të votoni për fitoren e madhe të kauzës sonë europiane!

     

    Uroj proces të mbarë zgjedhor, në frymë plotësisht demokratike dhe europiane!

     

    https://www.facebook.com/100044523937585/posts/969696134524509/

     

    Deklarata e kryetarit të BDI, Ahmeti:

     

    “Në rradhë të parë uroj që këto zgjedhje të jenë sipas të gjitha standardeve europiane, ne si shtet jemi në objektiv të vendeve të Bashkimit Europian, sepse njëri nga standardet më të domosdoshme që duhet përmbushur, janë edhe organizimi i zgjedhjeve të cilat standarde aplikohen. Uroj që procesi të shkojë mirë, edhe pse të gjitha partitë politike kanë patur angazhim mbi një proces të rregullt dhe të ndershëm. Uroj që i gjithë ky apel që është bërë, edhe në praktikë, në mbrëmjen e 24 prillit të përmbushet, të ketë zgjedhje fer, të lira dhe demokratike. Le të fitojë më i miri, le të fitojë ai që i ka bind qytetarët mbi platformën, mbi programin dhe realizimin që do bëjë në mandatin që do ta fitojë”.