30/05/2024
Botë

Shpërthen diga, më shumë se 40 të vdekur, dhjetëra ende të zhdukur në baltë

    Më shumë se 40 persona humbën jetën në Kenia pasi një digë shpërtheu pas shirave të dendur dhe përmbytjeve, thanë zyrtarët.

    Shtëpitë u dëmtuan dhe rrugët u përmbytën pasi diga shpërtheu në fshatin Kamuchiri në Kenian perëndimore, shkruan BBC. 

    “Dyzet e dy të vdekur, është një vlerësim konservativ. Ka ende të tjerë në baltë,” i tha agjencisë së lajmeve AFP guvernatori i qarkut Nakuru, Susan Kihika.

    Më shumë se 100 njerëz janë vrarë nga përmbytjet që kanë shkatërruar pjesë të Kenias në muajin e fundit.

    Ekipet e shpëtimit po gërmojnë nëpër baltë në kërkim të të mbijetuarve në fshatin afër qytetit të vogël Mai Mahiu, rreth 60 km (37 milje) nga kryeqyteti Nairobi, raportojnë mediat lokale.