19/04/2024
Botë Lajme

“Kjo është finalja ime”, Erdogan tërhiqet nga politika: Zgjedhjet e marsit të fundit për mua

    Presidenti turk Tajip Erdogan ka thënë se zgjedhjet lokale të planifikuara për 31 mars do të ishin zgjedhjet e fundit ku ai do të marrë pjesë, lajmi është bërë i ditur të premten nga agjencia shtetërore e lajmeve Anadolu.

    Erdogan, politikani më i suksesshëm i Turqisë moderne, ka udhëhequr vendin për më shumë se dy dekada. Një fitues i më shumë se një duzinë zgjedhjesh që nga viti 2002, Erdogan u rizgjodh për një mandat pesë-vjeçar gjatë zgjedhjeve të kontestuara ashpër në maj 2023.

    “Kjo është një finale për mua, sipas mandatit të dhënë nga ligji, kjo është zgjedhja ime e fundit,” tha Erdogan. “Rezultati që do të dalë do të jetë transferimi i një trashëgimie te vëllezërit e motrat e mia që do të vijnë pas meje”, citohet të ketë thënë ai nga Anadolu.