30/05/2024
Maqedoni

Dehari: Në zonën 5 dhe 6 ua kemi bërë 8 me 2! Edhe pse i kemi kundërshtarë, ata janë vëllezërit dhe motrat tona

    Kryetari i komunës së Kërçovës, Fatmir Dehari gjatë tubimit të Frontit Europian në Kërçovë, ku prezent ishte edhe Ali Ahmeti, tha se në raundin e parë të zgjedhjeve presidenciale, Fronti Europain ka fituar me 6000 vota diferencë në krahasim me VLEN. Dehari tha se do të punojnë për fitore edhe më të thellë, ndërsa përçoi mesazhin se pavarësisht oponencës politike, kundërshtarët politikë i kanë vëllezër dhe motra.

    “Janë numrat dhe shifrat, që në qytetin tonë, në të dy zonat. Në zonën 6 dhe zonën 5, rezultati përfundimtar zyrtar është 8040 me 2050, me 6000 vota diferencë… Në Kosovë i thonë 8 me 2. Pavarësisht që ne jemi në një garë politike, pavarësisht se përballë nesh kemi kundërshtarë politik, ne ato i kemi quajtur dhe vazhdojmë t’i quajmë vëllezër dhe motra tona, ky është BDI”, tha Dehari