30/05/2024
Kosovë

Mehmetaj akuzon ashpër Kurtin: Ishte kundër pavarësisë, njëjtë si Serbia

    Gazetari Lirim Mehmetaj e ka akuzuar ashpër kryeministrin e Kosovës, Albin Kurti, duke thënë se njëjtë sikurse Serbia, edhe ai në vitin 2008 ishte kundër shpalljes së pavarësisë së Kosovës.

    “Ky person ka qenë kundër pavarësisë së Kosovës në 2008, njëjtë si Serbia, është e rëndësishme kjo”, tha Mehmetaj në “Debat Plus”.

    Moderatori i emisionit i reagoi duke i thënë, “por jo për të njëjtat qëndrime e të njëjtat arsye”.

    Mehemtaj e kritikoi Kurtin për ndërrim të qëndrimeve. Sipas tij, në kohën sa ishte në opozitë kishte qëndrime diametralisht të kundërta me veprimet që i bën sot.